منتدي التربيه التعليم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدي التربيه التعليم

منتدي التربية التعليم تخصيص عن مذكرات مراجعات جميع الصفوف التعليم الابتدائية الاعدادية الثانويه الازهري الجامعات
 
الرئيسيةأحدث الصورالتسجيلدخول

 

 تصدق إنك عصيت ربنا و مبسوط و مش زعلان

اذهب الى الأسفل 
كاتب الموضوعرسالة
Admin
Admin



المساهمات : 310
تاريخ التسجيل : 24/05/2011

تصدق إنك عصيت ربنا و مبسوط و مش زعلان Empty
مُساهمةموضوع: تصدق إنك عصيت ربنا و مبسوط و مش زعلان   تصدق إنك عصيت ربنا و مبسوط و مش زعلان Icon_minitimeالأحد مايو 29, 2011 5:43 pm

تصدق إنك عصيت ربنا و مبسوط و مش زعلان

تصدق إنك عصيت ربنا و مبسوط و مش زعلان 1307645581240870345


عمرك سمعت حد بيقول :

أنا النهاردة ياجماعة مبسوطة جداااااااا

لأنى بصراحة النهاردة عصيت ربنا !!!!!!!
ومهمنيش !!!

جاهرته بالمعصية ومفرقتش معايا !!!!
طب وإيه يعنى ؟؟!

المهم اتبسطت وقضيت وقت جميل وخلاص

ايه دا ... إيه دا ....؟؟

مالكم كدا بتحتقرونى بينكم وبين نفسكم؟!!

انتو كمان زييى

أه زيى

أو كنتم زيى

وماتستغربوش أوى كدا

وتقولوا



لالالالالالالال

دا احنا بنحب ربنا واستحالة نحارب

لأ انتوا حاربتوه وبتحاربوه

طيب عيشوا معايا شوية فى المواقف دى كدا
ونشوف سوا

هل إحنا بنحارب ربنا ولا لأ
؟؟؟؟؟؟

أنا مبسوطة جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض

أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى

أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى

أنا مبسوط جدااا
كنت فى شات روم واتعرفت على بنت ارتحت اوى فى الكلام معاها
وكلمتها مايك بس صوتها جميل أوى
وقعدنا نتكلم للصبح

أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى

أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غير

وع الأغانى ولا العروسة !!
والرقص اللى اللى رقصناه
ولا اللبس ولا ... ولا .....

مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا

فرحاااااااان لأننا كنا ف رحلة امبارح
وحصل بأه شوية حاجات

اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب


انا منمتش امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل


وبالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة


أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضي

أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البضى جنااان
مشفتش حد لابس منهم

من الآااااااااااااااااااااااخر

مبسووووووووووط /ة جداااااا لأنى ............................
عصيــــــت ربنا !!!!!!!!!!

هاااا
فكرتوا انكم ممكن تكونوا بتعملوا زيى

أو على الأقل كنتم بتعملوا كدا
يعنى مش لوحدى دا حالنا كلنا

مش هو دا لسان حالنا ياجماعة لما بنعمل المعصية؟
مش دا

حالنا فى المجاهرة بالمعصية ؟

يعنى الحمد لله ربنا سترنا ومفضحناش

الحمد لله ربنا أحيانا ومقبضش روحنا واحنا بنعمل المعصية

مش نسكت بأه ونستر نفسنا

لا

دا احنا بنخرج وبنجاهر بالمعصية وبنتمنظر بيها كمان !

وبنقول لربنا

أنا عصيتك

وفرحان انى عصيت

وهأحكى لكل الناس إنى عصيت

ومش هيفرق معايا......

(والله قلبى بينخلع وأنا بأكتب الجزء دا
ربنا يغفر لى )

قدرنا ياجماعة نقول كدا ؟

قدرنا نغضب ربنا بالطريقة دى؟

يااااااااا الله على جهلنا وعلى سوء معاملتنا مع ربنا
وهو ستير لعيوبنا ولذنوبن

وإحنا والله لو ربنا حاسبنا كما يجب
كنا هلكنا دلوقتى من جراير أعمالنا
ياااااااه لما الواحد يفتكر أد ايه كان غافل وبعيد عن ربنا
ولما يفتكر ذنوبه وازاى ربنا كتب له الحياة علشان يكفر عنها

وتحسبونه هيناً وهو عند الله عظيم

يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية

وعلى فكرة أنا مش مكبرة الموضوع ولا حاجة

دى تذكرة بسيطة ليا اولا وليكم وأتمنى أكون قدرت أوصلكم قصدى

علشان لو فيه حد فينا لسة بيجاهر بالمعصية يتنبه وياخد باله

ولو كان حد فينا عمل كدا زمان


وربنا هداه دلوقتى لكن ماتابش
يتوب
أن الذنب لو ماتبناش منه ربنا هيحاسبنا عليه حتى لو كنا بطلنا نعمل

وطبعا دى كلها مواقف من وحى الخيال لكنها وااااقعية جدااااااا
بس حبيت أتكلم بصيغة المتكلم لأنها بتوصل أسرع وأفضل فى التعبير..
رب إجعل هذا العمل صالحا
ولوجهك الكريم خالصا
ولا تجعل لى منه حظا
ولا للشيطان منه نصيبا
وتقبله منى ياربنا قبولا حسنا

اللهم آاااااامين
الرجوع الى أعلى الصفحة اذهب الى الأسفل
https://ahla.forum.st
 
تصدق إنك عصيت ربنا و مبسوط و مش زعلان
الرجوع الى أعلى الصفحة 
صفحة 1 من اصل 1
 مواضيع مماثلة
-
» اشمعنى أنا !!! ربنا ما هدانيش !!!
» اشمعنى أنا !!! ربنا ما هدانيش !!!
» اشمعنى أنا !!! ربنا ما هدانيش !!!

صلاحيات هذا المنتدى:لاتستطيع الرد على المواضيع في هذا المنتدى
منتدي التربيه التعليم :: عاوز تعرف دينك؟ يلا بينا :: حى على الفلاح-
انتقل الى: